Sun 20 Jm2 1435 - 20 April 2014
1194

بالوں كى رنگت بدلنا اور انہيں نرم كرنا

ميں بعض لوگوں كو ديكھا ہے كہ وہ بالوں كى رنگت تبديل كرنے والا مواد استعمال كرتے ہيں، چاہے بال سياہ يا سرخ كر ليں، ميں نے يہ بھى ديكھا ہے كہ وہ ايك اور مادہ استعمال كرتے ہيں جو گھنگريالے بالوں كو نرم كر ديتا ہے، تو كيا يہ چيز استعمال كرنى جائز ہے، اور حكم ميں نوجوان اور بوڑھے برابر ہيں ؟

الحمد للہ:

سياہ رنگ كے علاوہ باقى كسى رنگ ميں بالوں كى رنگت تبديل كرنے ميں كوئى حرج نہيں، اور اسى طرح گھنگريالے بالوں كو نرم كرنے والا مادہ استعمال كرنا صحيح ہے، اس سلسلہ ميں نوجوانوں اور بوڑھوں كے ليے ايك ہى حكم ہے، ليكن شرط يہ ہے كہ جب اسے استعمال كرنے ميں كوئى نقصان و ضرر نہ ہو، اور مادہ طاہر و پاك اور مباح ہو.

ليكن بالوں كو خالصتا سياہ رنگ كرنا جائز نہيں، نہ تو مردوں كے ليے اور نہ ہى عورتوں كے ليے، كيونكہ رسول كريم صلى اللہ عليہ وسلم كا فرمان ہے:

" اس بڑھاپے كو تبديل كرو، اور سياہ كرنے سے اجتناب كرو " .

ديكھيں: فتاوى اللجنۃ الدائمۃ للبحوث العلميۃ والافتاء ( 5 / 168 ).
Create Comments