Манзур аз ҳадисе, ки онро ду шайх ривоят кардаанд

Ҳамду сано барои Аллоҳ.

Манзур аз "ду шайх" Имом Бухорӣ ва Имом Муслим (раҳмати Аллоҳ бар он ду бод) аст. 

Бухорӣ: Ӯ Муҳаммад ибни Исмоили Бухорӣ аст, ки дар соли 256-и ҳиҷрӣ вафот кардааст. Ӯ китобе дорад, бо номи "Саҳиҳу-л-бухорӣ", ки дар он теъдоде аз аҳодиси саҳеҳи паёмбарамон (дуруду паёми Аллоҳ бар ӯ бод)-ро гирдоварӣ намудааст.

Муслим: Ӯ Муслим ибни Ҳаҷҷоҷи Нишопурӣ аст, ки дар соли 261-и ҳиҷрӣ вафот кардааст ва ӯ муаллифи "Саҳиҳи Муслим" аст.

Агар дар мавриди ҳадисе гуфта шавад, ки "онро ду шайх ривоят кардаанд", манзур ин аст, ки Бухорӣ ва Муслим онро дар китобҳои "Саҳиҳ"-и худ ривоят кардаанд. Агар "муттафақун алайҳ" гуфта шавад, яъне Бухорӣ ва Муслим дар ривояти он иттифоқ кардаанд.

Нававӣ (раҳмати Аллоҳ бар ӯ бод) дар муқаддимаи китоби "Шарҳи Муслим" (1/14) гуфтааст:

"Донишмандон (раҳмати Аллоҳ бар онон бод) иттифоқ кардаанд, ки саҳеҳтарин китоб пас аз Қуръони карим "Саҳиҳайн", яъне "Саҳиҳ"-и Бухорӣ ва "Саҳиҳ"-и Муслим аст. Уммат ин ду китобро пазируфтаанд. Китоби Бухорӣ саҳеҳтарин ва судмандтарини он дуст". Поёни сухан.

Аллоҳ донотар аст.