34761: زۇلھەججىنىڭ ئون بىرىنچى كۈنىدە ئالدىراقسانلىقتىن يۈز بېرىدىغان بەزى خاتالىقلار


زۇلھەججىنىڭ ئون ئىككىنچى كۈنى ئالدىراپ، تاش ئاتماي ۋە ۋىدا تاۋاپىمۇ قىلماي قايتىپ كەتكەن كىشىنىڭ ھەججى قانداق بولىدۇ؟. بۇ ھەقتە چۈشەنچە بېرىشىڭلارنى ئۈمىد قىلىمەن.

Published Date: 2017-08-09

   جاۋاپ:

   بارلىق گۈزەل ماختاشلار ئالەملەرنىڭ پەرۋەردىگارى بولغان ئاللاھقا خاستۇر. پەيغەمبىرىمىز مۇھەممەد ئەلەيھىسسالامغا، ئۇنىڭ ئائىلە تاۋابىئاتلىرى ۋە ساھابىلىرىغا ئاللاھ تائالانىڭ رەھمەت ۋە سالاملىرى بولسۇن.

   شەيخ ئىبنى ئۇسەيمىين رەھىمەھۇللاھ مۇنداق دەيدۇ: "ئۇ كىشىنىڭ قىلغان ھەججى توغرا بولىدۇ، چۈنكى ئۇ ھەجنىڭ پەرىزلىرىنى تەرك قىلمىدى، لېكىن ئۇ ئون ئىككىنچى كېچىسى مىنادا قونماسلىق بىلەن ھەجنىڭ ۋاجىپلىرىدىن ئۈچنى تەرك قىلدى.

   بىرىنچىسى: ئون ئىككىنچى كېچىسى مىنادا قونۇش.

  ئىككىنچىسى: ئون ئىككىنچى كۈنى شەيتانلارغا تاش ئېتىش.

  ئۈچىنچى: ۋىدا تاۋاپى.

   ئۇ كىشى تەرك قىلغان ھەر بىر ۋاجىپ ئۈچۈن بىردىن قوي ئۆلتۈرۈپ، ئۇنى مەككىدىكى كەمبەغەللەرگە ئۈلەشتۈرۈپ بېرىشى كېرەك. ["ئىسلام ئاساسلىرى پەتىۋاسى" 566- بەت].

   ھەرقانداق كىشى ھەجنىڭ ۋاجىپلىرىدىن بىرنى تەرك قىلىدىكەن، ئۇ كىشىگە قان ۋاجىپ بولىدۇ، ئۇنى مەككىدە ئۆلتۈرۈپ شۇ يەردىكى كەمبەغەللەرگە ئۈلەشتۈرۈپ بېرىدۇ.

ئىسلام سوئال جاۋاب تورى
Create Comments