جمعرات 18 رمضان 1445 - 28 مارچ 2024
اردو

اوقات نماز كے نقشہ ميں فجر كى نماز اور طلوع آفتاب كا درميانى وقت ڈيڑھ گھنٹہ لكھا ہے، كيا يہ صحيح ہے ؟

8048

تاریخ اشاعت : 07-08-2006

مشاہدات : 21357

سوال

اللہ تعالى آپ رحم كرے ميرا سوال نماز فجر كے وقت كے متعلق ہے كہ كہ فجر كا وقت كب شروع ہوتا ہے؟
ہمارے ہاں مصر ميں نماز فجر اور طلوع آفتاب كا درميانى وقت ڈيڑھ گھنٹہ سے كم نہيں ہوتا، كيا يہ صحيح ہے ؟

جواب کا متن

الحمد للہ.

نماز فجر كا وقت طلوع فجر صادق سے ليكر طلوع آفتاب تك رہتا ہے، چنانچہ اس وقت كے دوران جب نماز ادا كر لى جائے تو وقت ميں ادائيگى ہو گى، اور جس نے جان بوجھ كر عمدا طلوع آفتاب تك نماز ميں تاخير كى وہ بہت زيادہ گنہگار ہو گا.

اور بعض اہل علم كى رائے يہ ہے كہ وہ ايسے ہى ہو گا جيسے اس نے نماز ادا ہى نہيں كى، اس ليے نماز بروقت ادا كى جائے، اور وقت سے تاخير كرنے سے اجتناب كرنا چاہيے، اور طلوع فجر اور طلوع آفتاب كا درميانى وقت تقريبا ڈيڑھ گھنٹہ ہے جيسا كہ نمازوں كے اوقات نقشہ ميں بيان ہوا ہے.

آج كل نمازوں كا نقشہ لوگوں كے ليے گھنٹوں اور منٹوں ميں اوقات نماز معلوم كرنے كے ليے وسيلہ بن چكا ہے، چنانچہ اس كا خيال كرنا چاہيے كيونكہ نماز دين كا ستون ہے، اس ليے مسلمان كو اس كى مقررہ اوقات ميں پابندى كرنا ضرورى ہے، اللہ سبحانہ وتعالى كا فرمان ہے:

اور وہ لوگ جو اپنى نمازوں كى پابندى كرتے ہيں .

اور ايك دوسرے مقام پر اس طرح فرمايا:

نمازوں كى پابندى كرو، اور خاص كر درميانى نماز كى .

اور درميانى نماز عصر كى نماز كو كہا جاتا ہے .

ماخذ: كتبہ: فضيلۃ الشيخ عبد الرحمن البراك