ئىسلام سوئال جاۋاپ تورىنىڭ تەرەققىياتى، شۇنداقلا مۇسۇلمانلارنىڭ خىزمىتىنى داۋاملاشتۇرىلىشى ئۈچۈن –ئىسلام سوئال جاۋاپ سەھىپىسىگە ئىئانە قىلىشىڭلارنى ئۈمىد قىلىمىز.
مۇسۇلمان يىگىتنىڭ ئۆزى توي قىلماقچى بولغان قىز بىلەن تويدىن ئىلگىرى ئۆزلىرى ۋەدىلەشكەن جايغا چىقىشى توغرىمۇ؟ ئەگەر ئەمەلىيەتتە چىققان بولسا، ئۇلارنىڭ قىلغىنى توغرىمۇ؟ ئىسلام دىنىدا قىز-ئوغۇللارنىڭ توي قىلىشتىن بۇرۇن سىرتلارغا بىرگە چىقىشى توغرىسىدا قانداق ھۆكۈملەر بار؟. بۇ ھەقتە چۈشەنچە بېرىشىڭلارنى سورايمەن.
بارلىق گۈزەل ماختاشلار ئالەملەرنىڭ پەرۋەردىگارى بولغان ئاللاھقا خاستۇر. پەيغەمبىرىمىز مۇھەممەد ئەلەيھىسسالامغا، ئۇنىڭ ئائىلە تاۋابىئاتلىرى ۋە ساھابىلىرىغا ئاللاھ تائالانىڭ رەھمەت ۋە سالاملىرى بولسۇن.
توي قىلمىغان ئەر-ئاياللارنىڭ خالى جايدا بىرگە تۇرۇشى توغرا بولمايدۇ، چۈنكى بۇنداق قىلىش پىسقى-پۇجۇر، بۇزۇقچىلىققا تۈرتكە بولىدۇ، بۇ توغرىدا پەيغەمبەرئەلەيھىسسالام مۇنداق دېگەن: «بىر ئەر بىلەن بىر ئايال يالغۇز خالى قالىدىكەن ئۇلارنىڭ ئۈچىنچىسى شەيتاندۇر».
ئەگەر توي قىلىش ئىرادىسىگە كەلگەن بولسا، يالغۇز قالمىغان ئەھۋالدا، قىزنىڭ يېنىدا دادىسى ياكى ئانىسى ياكى قېرىنداشلىرىدىن بىرەرسى بولسا ئۇ قىزغا قارىسا بولىدۇ، قاراشتىمۇ كۆپىنچە ئاشكارا بولىدىغان يۈزى، چېچى، ئىككى ئالقىنى ۋە ئىككى قەدىمى قاتارلىق جايلارغا سۈننەت بويىچە پىتنىدىن ساقلانغان ئاساستا قارىسا بولىدۇ.
ئاللاھ ھەممىدىن ياخشى بىلگۈچىدۇر.