Мехоҳам барои як ширкат сомона тарроҳӣ кунам ё барномаи компютерӣ таҳия намоям. Медонам, ки бархе аз фаъолиятҳои ин ширкат ҳалол ва бархеи дигар ҳаром мебошанд.
Оё анҷом додани чунин кор бароям ҷоиз аст? Бояд гуфт, ки ман худам бевосита ба корҳои ҳаром даст намезанам, балки танҳо барномаро таҳия ё сомонаро тарроҳӣ мекунам ва ширкат онро дар фаъолияти худ истифода мебарад.
Ҳамду сано барои Аллоҳ ва дуруду паём ба расулуллоҳ ва баъд:
Ин саволро ба Шайхи арҷманд Муҳаммад ибни Солеҳ Ал-Усаймин пешниҳод кардем. Ӯ дар посух гуфт:
Агар қисми бештари фаъолияти ширкат ҳаром бошад, анҷом додани ин кор барои ӯ ҷоиз нест. Аммо агар қисми бештари фаъолияти ширкат мубоҳ (раво) бошад, ин кор ҷоиз аст. Вале агар фаъолияти ҳалолу ҳароми ширкат баробар бошад, бо мақсади бартарӣ додан ба ҷониби манъ, набояд ин корро анҷом диҳад.
Аллоҳ донотар аст.
Шайх Муҳаммад Солеҳ Ал-Мунаҷҷид
