بارلىق گۈزەل ماختاشلار ئالەملەرنىڭ پەرۋەردىگارى بولغان ئاللاھقا خاستۇر. پەيغەمبىرىمىز مۇھەممەد ئەلەيھىسسالامغا، ئۇنىڭ ئائىلە تاۋابىئاتلىرى ۋە ساھابىلىرىغا ئاللاھ تائالانىڭ رەھمەت سالاملىرى بولسۇن.
سىز شام نامىزى ئوقۇماي، ئوقۇلغان ئەزاننى خۇپتەننىڭ ئەزىنى دەپ ئويلاپ خۇپتەن نامىزى ئوقۇغان بولسىڭىز، شام نامىزىنى قايتىدىن ئوقۇپ ئۇنىڭدىن كېيىن خۇپتەن نامىزىنى قايتا ئوقۇيسىز، چۈنكى سىز خۇپتەن نامىزىنى ۋاقتى كىلىشتىن بۇرۇن شامنىڭ ۋاقتىدا ئوقۇغان بولدىڭىز، گەرچە سىز شام نامىزىنى كۈن ئولتۇرىشى بىلەن ئوقۇۋەتكەن بولسىڭىزمۇ يەنىلا خۇپتەن نامىزىنى مۇددەتتىن بۇرۇن ئوقۇغانلىقىڭىز ئۈچۈن ئۇنى ۋاقتى كىرگەندە قايتىدىن ئوقۇشىڭىز كېرەك بولىدۇ، نامازنى ۋاقتى كېرىشتىن بۇرۇن ئوقۇش توغرا بولمايدۇ، شۇنىڭ ئۈچۈن سىز شام نامىزىنى ئوقۇمىغان بولسىڭىز چوقۇم شام نامىزىنىڭ قازاسىنى قىلىپ بولۇپ، ئاندىن خۇپتەن نامىزىنى ئوقۇشىڭىز كېرەك بولىدۇ.
ئاللاھ تائالا ھەممىدىن ياخشى بىلگۈچىدۇر.