بىرىنچى: ئاللاھ تائالادىن سىزگە ئاجىل شىپالىق بېرىشنى دىنى ۋە دۇنيالىق تەرەپتىن ساق-سالامەت، خاتىرجەملىك ئاتا قىلىشنى سورايمىز. جۇنابەتتىن يۇيۇنۇشتا ئىككى يوتىسىنىڭ ئارىسى بىلەن بىرگە پۈتۈن بەدەننى تولۇق يۇيۇش ۋاجىپ بولىدۇ، سىز سۇ چۈشىدىغان جۈمەكنىڭ ئاستىدا تۇرۇپ ئېغىزىڭىزنى چايقاپ، بۇرنىڭىزغا سۇ ئېلىش بىلەن بىرگە پۈتۈن بەدىنىگىزگە بىر قېتىم سۇ ئېقىتىۋەتسىڭىز تولۇق يۇيۇنغان بولىسىز.
ئىككىنچى: تاھارەت ئالغاندا ئەزالارنى بىر قېتىمدىن يۇسىڭىزمۇ بولىدۇ، ئەڭ ياخشىسى سۈننەتتە بايان قىلىنغاندەك ئۈچ قېتىمدىن تولۇق يۇيۇشتۇر. ئەگەر سىز ئەزالىرىڭىزنى بىر قېتىمدىن يۇغاندا، سىزگە ۋەسۋەسە كۈچلۈك كەلسىمۇ ئاللاھ خالىسا بۇنىڭ ھېچ زىيىنى يوق. سىز دائىم ئاللاھ تائالادىن يارەدم تىلەڭ، دۇئا قىلىڭ، سالامەتلىكنى سوراڭ. ئاللاھ تائالا سىزنى دائىم مۇھاپىزەت قىلسۇن، ھەر ۋاقىت سالامەت قىلسۇن.
ھەممىدىن توغرىنى ئاللاھ تائالا ياخشى بىلگۈچىدۇر.