ئەر كىشى تالاق دېگەن سۆزنى قىلمىغان بولسا، بۇنىڭ بىلەن تالاق چۈشمەيدۇ، چۈنكى نىيەت قىلىشلا تالاقنىڭ چۈشۈشىگە كۇپايە قىلمايدۇ. بۇ كۆپچىلىك ئالىملارنىڭ قارىشىدۇر. ھاپىز ئىبنى ھەجەر پەتھۇل بارى 9-توم 394-بەتتە بۇ سۆزنى نەقىل قىلغان. ئىبنى قۇدامە"ئەلمۇغنى" 7-توم 121-بەتتە بارلىق ئالىملاردىن بۇ قاراشنى بايان قىلغان. ئۇلار بۇ قاراشقا مۇنۇ ھەدىسنى دەلىل قىلغان.
ئەبۇ ھۈرەيرە رەزىيەللاھۇئەنھۇ مۇنداق دەيدۇ، پەيغەمبەرئەلەيھىسسالام مۇنداق دېگەن: «ھەقىقەتەن ئاللاھ تائالا ئۈممىتىمنىڭ كۆڭلىدە پەيدا بولغان ئەمما ئۇنى سۆزلىمىگەن ۋە ئەمەل قىلمىغان ئىشلىرىنى ئەپۇ قىلىۋەتكەن». [بۇخارى رىۋايىتى2528-ھەدىس. مۇسلىم رىۋايىتى327-ھەدىس. ھەدىسنىڭ راۋىيلىرىدىن بىرى بولغان قەتادە مۇنداق دەيدۇ: كۆڭلىدە سۆزلىسە بۇنىڭغا ھېچ نەرسە بولمايدۇ.
شەيخ بىن باز رەھىمەھۇللاھ مۇنداق دەيدۇ: "پەقەت نىيەت قىلىش بىلەن تالاق چۈشمەيدۇ. ھەقىقەتەن تالاق دېگەن ئاغزاكى سۆزلەش ياكى خەت بىلەن يېزىش بىلەن بولىدۇ. دەپ بۇنىڭغا يۇقىرىدا بايان قىلىنغان ھەدىسنى دەلىل قىلغان. ["ئىسلام پەتىۋالىرى" 3-توم 279-بەت].
ھەممىدىن توغرىنى ئاللاھ تائالا ياخشى بىلگۈچىدۇر.