بارلىق گۈزەل ماختاشلار ئالەملەرنىڭ پەرۋەردىگارى بولغان ئاللاھ تائالاغا خاستۇر، پەيغەمبىرىمىز مۇھەممەد ئەلەيھىسسالامغا، ئائىلە تاۋابىئاتلىرىغا، ساھابىلىرىغا ئاللاھ تائالانىڭ رەھمەت-سالاملىرى بولسۇن.
بۇنداق شەرت قىلىش توغرا بولمايدۇ، چۈنكى شەرت دېگەن ئېھرامغا كېرىشنى مەقسەت قىلىش بىلەن بىرگە بولىدۇ، ئېھرامغا كېرىپ بولغاندىن كېيىن بولمايدۇ.
شەيخ ئىبنى باز رەھىمەھۇللاھدىن: ئېھرامغا كېرىپ مەلۇم ۋاقىت ئۆتكەندىن كېيىن شەرت قىلسا بولامدۇ؟ دەپ سورىغاندا، شەيخ: "ئۇنداق قىلىش توغرا بولمايدۇ، ھەقىقەتەن شەرت قىلىش دېگەن ئېھرامغا كېرىشنى دىلى بىلەن نىيەت قىلغاندا بولىدۇ دېگەن". ["شەيخ بىن باز پەتىۋالىرى"17-توم 73-بەت].