كۆز تېگىش ھەقىقەتتۇر، بۇ شەرئى دەلىل بىلەن ۋە ئەمەلىي تەجىربە بىلەن ئىسپاتلانغان، بۇنىڭدىن ساقلىنىش ئاللاھقا تەۋەككۇل قىلىشقا زىت كەلمەيدۇ، ئۇنىڭدىن ساقلىنىش: ئاللاھ تائالاغا تايىنىش، ئۇنىڭغا ئىلتىجا قىلىش، ئەتتىگەنلىك-كەچلىك زىكىرلەرنى لازىم تۇتۇش، شەرىئەتتە كۆرسىتىلگەن پاناھلىق تېلەش دۇئالىرىنى ئوقۇش بىلەن بولىدۇ، كۆز تېگىپ بولغاندىن كېيىن ئۇنىڭ ئىلاجىنى قىلىش رۇقىيە ئوقۇش، كۆزى يامان ئادەمنى يۇيۇندۇرۇپ ئۇ سۇنى كۆز تەككەن ئادەمنىڭ ئۈستىگە قۇيۇش بىلەن بولىدۇ، بۇنىڭ تەپسىلاتى تۆۋەندىكى جاۋاپتا بايان قىلىنىدۇ.