يېڭى جاۋابلار

نۇرغۇن ئالىملار بەدەندىن نىجاسەت چىقسا بۇنىڭ بىلەن تاھارەت بۇزۇلمايدۇ دېگەن قاراشتا بولدى، چۈنكى بۇ يەردىكى ئەسلى قائىدە، تاھارەتنىڭ بۇزۇلماسلىقىدۇر، بۇنىڭ بىلەن تاھارەت بۇزۇلىدۇ دەيدىغانغا سەھىھ دەلىل يوق.

ئالىملارنىڭ كۈچلۈك قارىشىغا كۆرە، بەلغەمنى يۇتۇۋېتىش روزىنى بۇزمايدۇ، شۇنداقلا، ھەر قانداق بىر نەرسىنى يۇتۇۋېتىش بىلەن روزا بۇزۇلىدۇ دېگەن قائىدىگىمۇ قارشى كەلمەيدۇ، مۇبادا يۇتۇۋەتكەن نەرسە يىمەكلىك بولماستىن تاش قاتارلىق نەرسىلەر بولسا بۇنىڭ روزىغا تەسىرى بولمايدۇ.

روزىدارنىڭ بۇخۇر قاتارلىق نەرسىلەرنى سۈمۈرۈشى چەكلىنىدۇ، بۇنىڭدىكى مەقسەت پەقەت خۇشبۇي نەرسىلەرنىڭ پۇرىقىنى پۇراشلا ئەمەس بەلكى بۇخۇر قاتارلىق نەرسىلەرنىڭ ۋەزنى بولىدۇ، بۇنى سۈمۈرگەندە، گالدىن ئۆتۈپ كەتسە، روزا بۇزۇلىدۇ. مۇبادا ناماز ئوقۇۋاتقان كىشى خۇشبۇي نەرسىلەرنىڭ پۇرىقىنى پۇرىسا بۇنىڭغا ھېچ نەرسە بولمايدۇ، چۈنكى مۇسۇلمانلار دائىم مەسچىتلەرگە بۇخۇر قاتارلىق خۇشبۇي نەرسىلەرنى قويىدۇ، چاچىدۇ، مەسچىتتىكىلەر بۇنىڭ پۇراقلىرىنى پۇرايدۇ، بۇنىڭ نامازغا تەسىرى بولمايدۇ.

1-مۇسۇلمان رامىزاندا كۈنىنى بامدات نامىزىنىڭ ۋاقتىدىن بۇرۇن سەھەرلىك يېيىش بىلەن باشلايدۇ، ياخشىسى سەھەرلىكنى كېچىدە يىمەي كېچىكتۈرۈپ تاڭ يورۇشقا يېقىن يېسە ياخشى بولىدۇ. 2-ئاندىن ئەزاندىن بۇرۇن نامازغا تەييارلىق قىلىپ، ئۆيدە تاھارەت ئېلىپ مەسچىتكە بۇرۇن چىقىشى كېرەك. 3-مەسچىتكە كىرگەندە ئالدى بىلەن ئىككى رەكەت مەسچىت ھۆرمىتى نامىزى ئوقۇپ، ئاندىن ئولتۇرۇپ ئەزان چىققۇچە دۇئا قىلىش، قۇرئان تىلاۋەت قىلىش ياكى زىكىر بىلەن مەشغۇل بولۇش كېرەك. ئەزان ئوقۇلغاندا مۇئەززىنگە ئەگىشىپ ئەزاننى تەكرارلىشى كېرەك. ئەزاندىن كېيىن پەيغەمبەر ئەلەيھىسسالامنىڭ ھەدىسىدە بايان قىلىنغان دۇئانى ئوقۇشى لازىم، ئاندىن تۇرۇپ بامداتنىڭ ئىككى رەكەت سۈننىتىنى ئوقۇشى لازىم، ئاندىن تەكبىر ئېيتىلغانغا قەدەر دۇئا، زىكىر ۋە قۇرئان تىلاۋەت بىلەن مەشغۇل بولىشى كېرەك. ئۇ كىشى نامازنى كۈتۈپ تۇرغان مۇددەتتە نامازدا بولغاندەك ئەجىر-ساۋابقا ئېرىشىدۇ. تېمىنىڭ قالغان تەپسىلاتىنى بىلىش ئۈچۈن تۆۋەندە بايان قىلىنغان تەپسىلى جاۋاپقا قارالسۇن.

پەيغەمبەر ئەلەيھسىسسالامدىن مىسۋاك ئىشلىتىشكە قىزىقتۇرىدىغان نۇرغۇن ھەدىسلەر بايان قىلىندى، مىسۋاكنىڭ تەسىرىنى سۈپەتلەپ كەلگەن ھەدىستە: «مىسۋاك ئېغىزنى پاكىزلايدۇ...» دەپ كەلگەن، يەنى: ئېغىزنى ئەزىيەتلەردىن ساقلايدۇ، سېسىق پۇراقتىن پاكىزلايدۇ، ئېغىز پۇراقلىرىنىڭ ئەتراپقا تارىشىنى چەكلەيدۇ، بۇ مىسۋاك توغرىسىدا ئېيتىلغان مۇتلەق سۆزدۇر، مىسۋاكنىڭ چىشنى-ئېغىز بوشلۇقىنى پاكىزلاش، ھىمايە قىلىش ۋە ساقلاش قاتارلىق خۇسۇسىيەتلىرى بايان قىلىنغان. ئىلمى تەتقىقاتلارمۇ مىسۋاكنىڭ مىكرۇپ ئۆلتۈرىدىغانلىقى، مىلىك كېسىلىنى توسىدىغانلىقىنى ۋە ئۇنىڭ ئېغىزنى پاكىزلايدىغان ۋە چىشلارنى كۇچلاندۇرىدىغان تەبىئىي ماددىلارنى ئۆز ئېچىگە ئالىدىغانلىقىنى ئىسپاتلىدى.

رامىزان ئېيىنىڭ كىرگەنلىكىنى تەبرىكلىسە دۇرۇس بولىدۇ. پەيغەمبەر ئەلەيھىسسالاممۇ رامىزان ئېيىنىڭ كېلىشى بىلەن ساھابىلارغا خۇشخەۋەر بېرەتتى، ئۇلارنى بۇ ئاينىڭ پەزىلىتىدىن تولۇق پايدىلىنىشقا تەۋسىيە قىلاتتى.