الحمد للہ.
اول:
تول كر مرغى خريدنے ميں كوئى حرج نہيں، اصل يہى ہے ہمارے علم كے مطابق تو اس كے مخالف كوئى دليل نہيں ہے.
دوم:
حديث شريف سے ثابت ہے كہ رسول كريم صلى اللہ عليہ وسلم نے فرمايا:
" جس كى كثير مقدار نشہ آور ہو تو اس كى قليل مقدار بھى حرام ہے "
مسند احمد ( 2 / 179، 167، 91، 3 / 343 ).
چنانچہ اگر سركہ كى زيادہ مقدار نشہ آور ہو تو پھر اس كى قليل مقدار بھى حرام ہو گى، اور اس كا حكم شراب والا حكم ہى ہو گا.
ليكن اگر اس كى كثير مقدار نشہ آور نہ ہو تو پھر سركہ فروخت كرنے، اور اسے خريدنے اور اسے نوش كرنے ميں كوئى حرج نہيں.