بارلىق گۈزەل مەدھىيىلەر ئالەملەرنىڭ رەببى بولغان ئاللاھقا خاستۇر، پەيغەمبىرىمىز مۇھەممەد ئەلەيھىسسالامغا، ئائىلە تاۋابىئاتلىرىغا، ساھابىلىرىغا ۋە قىيامەتكىچە ئۇلارغا ئەگەشكەن كىشىلەرگە ئاللاھنىڭ رەھمەت سالاملىرى بولسۇن.
بىرىنچى: بۇ تور بېكەتكە ئىشتىراك بولۇش پۇلسىز بولىشى كېرەك، ئەگەر پۇللۇق بولۇپ قالسا ئۇنىڭ قىمار ياكى جازانە بولۇپ قىلىش ئېھتىماللىقى بولغانلىقى ئۈچۈن ھارام بولىدۇ، چۈنكى ئۇ مالنى مالغا كېچىكتۈرۈپ ياكى كام-زىيادە قىلىپ ئالماشتۇرۇشتىن ئىبارەتتۇر.
ئىككىنچى: قويۇلىدىغان ئېلانلار دۇرۇس بولۇش كېرەك.
ئۈچىنچى: ئىشتىراك بولغۇچى زىيارەتچىلەرنى كۆپ ئىكەن دەپ خىيال قىلدۇرۇش ئۈچۈن مەشھۇر تور بېكەتنى ئىجارىگە ئېلىش ياكى سېستىمنى ئىشلىتىش ئارقىلىق ئېلاننى بېسىپ قويۇش يوللىرى بىلەن ھىيلە قىلماسلىقى كېرەك.
تۆتىنچى: ئۇنىڭغا بېرىدىغان مال مەلۇملۇق بولىشى كېرەك مەسىلەن بىر قېتىم بېسىش مۇنچە پۇل دېگەندەك.
سىزنىڭ سوئالىڭىزدىن: بۇ توربەتكە ئىشتىراك بولۇشنىڭ بىكارلىق ئەمەس ئىكەنلىكى، بەلكى دوللار ئۆتەيدىغانلىقى ئېنىق بولدى. بۇنىڭغا كۆرە بۇ توربەتكە ئىشتىراك بولۇش ھارام بولىدۇ.
سىزنىڭ تور بېكىتىڭىزگە ئېلان چىقىرىپ دوللارنى پايدا ئالغانلىقىڭىز، ئۇنىڭ ھالال بولىدىغانلىقىنى بىلدۈرمەيدۇ، بۇ تور بەت بىلەن بولغان ھەقىقى كېلىشىم دېگەن: سىز پۇل تۆلەپ تور بېكىتىڭىز ئارقىلىق ئۇ ئېلاندىن پايدىلىنىسىز، شۇنىڭ بىلەن ئىېلانلىرىنى بېسىپ ئۇنىڭدىن پايدا ئىلىش، باشقىلارنى دەۋەت قىلىش، ئۇلارنىڭ ئىشتىراك قىلىشى بىلەن پايدا ئىلىش مۇمكىن بولىدۇ، بۇ كېلىشىم ھارامدۇر، ئۇنىڭدا قىمار ۋە جازانە تېپىلىدۇ.
ئەمما قىمار دېگەن: سىز ئىېلانلىرىنى ھەر قېتىم باسقاندا كۆپرەك نەتىجىگە ئېرىشىشنى ئارزۇ قىلىپ پۇل تۆلەيسىز، بۇ بەزى ۋاقىتتا ھاسىل بولمايدۇ، ئۇنىڭ ھاسىل بولىشى بېكىتىلمىگەن، بىر نەرسىگە ئېرىشىش ئېھتىماللىق بىلەن بولىدۇ، بۇ قىمارنىڭ ئۆزىدۇر.
جازانىنىڭ يولى بولسا: مالنىڭ مۇقابىلىدە زىيادە قىلىپ ياكى ۋاقىتتىن كېچىكتۈرۈپ مال بېرىشتۇر.
سىزنىڭ تور بەتتىن ئېلان بېرىشتىكى مەقسىتىڭىز، پۇل بېرىش بىلەنلا بولسا، ئۇنىڭدا توختىسىڭىز، ئىېلانلىرىنى بېسىپ قويغاندىن كىرگەن پايدىنى ئالمىسىڭىز، بۇ مۇمكىن بولمايدۇ، چۈنكى ئېلان بىلەن پايدا بىرگە جۇغلاشمايدۇ. بۇنىڭدا ھارامغا ھىيلە قىلغانلىق ئېنىقتۇر. بۇ ھەقتە تەپسىلى مەلۇمات ئۈچۈن 198784 -نومۇرلۇق سوئالنىڭ جاۋابىغا قارالسۇن.
ئىككىنچى: ھېسابىڭىزنى باشقىلارغا سېتىش بولسا، ئۇنىڭدىن تور بېتىڭىزنى سېتىشنى مەقسەت قىلسىڭىز، بۇنىڭدا بىر مەسىلە يوق.
ئەگەر ئىلان بېتىگە ئىشتىراك بولغان كىشىگە نۇقتىلار ۋە پايدىلار بولغان مۇئەييەن بىر ھېسابنى ساتماقچى بولسىڭىز بۇنى سېتىش دۇرۇس بولمايدۇ. يۇقىرىدا بايان قىلىنغاندەك بۇنداق كېلىشىم ھارامدۇر. شۇنىڭدەك بۇنىڭغا باشقىلارنى دەۋەت قىلىشمۇ توغرا بولمايدۇ. ئۇنداق قىلغاندا، گۇناھ - مەسىيەت ۋە دۈشمەنلىككە ياردەم بەرگەنلىك بولىدۇ.
ھەممىدىن توغرىنى ئاللاھ تائالا ياخشى بىلگۈچىدۇر.