لڑكى كے يونيورسٹى سے فراغت كے جشن كى تصوير مردوں كے ڈرائنگ روم ميں لگانا

ميں ان شاء اللہ عنقريب يونيورسٹى سے فارغ ہونے والى ہوں، خاندان ميں يہ عادت اور رواج ہے كہ خاندان كا كوئى فرد جب سند فراغت حاصل كرتا ہے تو اس كے فراغت كے موقع كى تصوير ڈرائنگ روم ميں لگاتے ہيں، ان شاء اللہ خاندان كے افراد سمندر پار سے ميرى فراغت كے موقع پر اكٹھے ہونے والے ہيں، اور انہيں توقع ہے كہ ميں ميك اپ وغيرہ بھى كرونگى، اور وہ ميرى تصاوير بھى ( پورٹريٹ ) بنائيں گے، اور يہ تصوير دوسرى تصاوير كے ساتھ ڈرائنگ روم ميں لگائى جائيگى، مشكل يہ ہے كہ ہمارے خاندان كے دوست مرد بھى ہيں جو آكر ڈرائنگ روم ميں بيٹھتے ہيں تو اس طرح وہ ميرى تصوير بھى ديكھيں گے.
ميں نے اپنى والدہ كو بتايا ہے كہ گھر ميں تصاوير لگانا جائز نہيں، ليكن وہ معلوم ہى نہيں كرنا چاہتيں، ليكن ميرا انہيں اپنى تصوير ديورا پر لٹكانے كى اجازت دينا گھر ميں باقى لٹكائى گئى تصاوير پر بہت زيادہ اثر انداز تو نہيں ہوگا، اسى طرح ميں گھر ميں موجود تصاوير كو اتارنے كا حق بھى نہيں ركھتى.
ان شاء اللہ وہ مجھے ميك اپ كرنے پر مجبور نہيں كر سكتے ليكن اگر ميں انہيں اپنى تصوير " پورٹريٹ " بنانے كى اجازت نہ دوں تو ہو سكتا ہے كہ مجھے تنگ كريں، اور ہو سكتا ہے كہ وہ يہ گمان كريں كہ وہ اتنى دور اور لمبى مسافت ويسے ہى طے كر كے آئے ہيں اس سے يہ ظاہر ہو گا كہ ميں ان كا اہتمام تك نہيں كرتى، اس ليے آپ مجھے كيا نصيحت كرتے ہيں ؟