"براہ کرم ویب سائٹ کے تسلسل کو یقینی بنانے کے لئے دل کھول کر تعاون کریں۔ "
میرے چچا نے مجھے کپیوٹرتحفہ میں دیا ، بعد میں علم ہوا کہ یہ کپیوٹر توچوری کیا ہوا ہے اورمیرے چچا نے سڑک سے خریدا ہے ، توکیا یہ ممکن ہے کہ میں کپیوٹر اپنے پاس ہی رکھوں کیونکہ میرے چچا کی طرف سے ھدیہ ہے یا مجھے مالک کوواپس کرنا چاہیے ، اس لیے کہ مالک کا ایڈریس مجھے کپیوٹرمیں سے ملا ہے ؟
الحمد للہ.
آپ کے لیے اسے اپنے پاس محفوظ رکھنا جائز نہيں ، بلکہ اس کے مالک کوواپس کرنا واجب ہے ، اوریہ آپ کے پاس امانت ہے جتنی بھی جلدی ہوسکے اسے مالک کوواپس کیا جائے ۔
ہاں یہ ہوسکتا ہے کہ آپ بيچنے والے سے اس کی قیمت واپس کرنے کا مطالبہ کرسکتے ہیں ، کیونکہ اس نے ایسی چيزبيچی ہے جواس کی ملکیت ہی نہیں تھی ۔
واللہ اعلم .