تازہ ترین جوابات

عمرے کے درج ذیل اعمال ہیں: جنابت کے غسل کی طرح غسل کرنا اور خوشبو لگانا۔ احرام کے کپڑے پہننا، مرد کے لیے تہبند اور چادر، اور عورت کے لیے کوئی بھی شرعاً جائز لباس۔ تلبیہ کہنا اور طواف تک تلبیہ کہتے رہنا۔ بیت اللہ کا سات چکروں میں طواف کرنا، جو کہ حجرِ اسود سے شروع ہو کر وہی پر ختم ہو گا۔ مقامِ ابراہیم کے پیچھے دو رکعت نماز ادا کرنا۔ صفا اور مروہ کے درمیان سات چکروں میں سعی کرنا، جس کا صفا سے آغاز اور مروہ پر اختتام ہو گا۔ مردوں کے لیے بال منڈوانا یا کتروانا، اور عورتوں کے لیے صرف بال کتروانا۔