تازہ ترین جوابات

مسجد میں داخل ہوتے وقت یہ دعائیں وارد ہیں: 1- اَلَّلهُمَّ افْتَحْ لِيْ أَبْوَابَ رَحْمَتِكَ ترجمہ: ’’ اے اللہ! میرے لیے اپنی رحمت کے دروازے کھول دے۔ ‘‘ 2- أَعُوْذُ بَاللهِ الْعَظِيْمِ وَبِوَجْهِهِ الْكَرِيْمِ وَسُلْطَانِهِ الْقَدِيْمِ مِنَ الشَّيْطَانِ الرَّجِيْمِ ترجمہ:’’ میں اللہ عظیم کی پناہ لیتا ہوں، اس کے باعزت چہرے اور ہمیشہ باقی رہنے والی بادشاہت کی پناہ لیتا ہوں، شیطان مردود سے۔‘‘ اور مسجد سے نکلتے وقت یہ دعا پڑھے: اَلَّلهُمَّ إِنِّيْ أَسْأَلُكَ مِنْ فَضْلِكَ ترجمہ: ’’اے اللہ! میں تجھ سے تیرے فضل کا سوال کرتا ہوں۔ ‘‘ جہاں تک سوال کرنے والے نے ذکر کیا کہ مسجد میں داخل ہوتے وقت ’’آمین‘‘ کہنا مستحب ہے تو یہ بات رسول اللہ صلی اللہ علیہ و سلم سے ثابت نہیں، نہ آپ کے صحابہ کرام رضی اللہ عنہم سے، اور نہ ہی کسی اہل علم سے اس بارے میں کوئی قول منقول ہے۔

اللہ تعالیٰ اور اللہ کے رسول صلی اللہ علیہ و سلم پر ایمان رکھنے والے کسی بھی مرد کے لیے یہ جائز نہیں ہے کہ وہ کسی ایسی عورت سے ہاتھ ملائے جو اس کے لیے حلال نہ ہو یا اس کے محرم رشتہ داروں میں شامل نہ ہو؛ اگر کوئی ایسا کرتا ہے تو وہ اپنے آپ پر ظلم کرتا ہے۔ رسول اللہ صلی اللہ علیہ وسلم نے فرمایا: (اگر تم میں سے کسی کے سر میں لوہے کی سوئی ماری جائے تو یہ اس کے لیے اس سے بہتر ہے کہ وہ کسی ایسی عورت کو ہاتھ لگائے جو اس کے لیے حلال نہ ہو۔) مصافحہ حتیٰ کہ کپڑے کے اوپر سے بھی جائز نہیں، اور اس بارے میں جو حدیث آئی ہے وہ ضعیف ہے۔