غالی صوفیوں کا ماننا ہے کہ ان کے اولیا کائنات کے امور چلاتے ہیں، ان کے پاس نفع و نقصان دینے کا اختیار بھی ہے، ان کے ولی "کن" کہہ کر کام پورے کر دیتے ہیں۔ یہ دعوی صریح کفر اکبر اور اللہ تعالی کے ساتھ شرک ہے، بلکہ ان کا یہ شرک ابو جہل اور دیگر عرب مشرکوں کے شرک سے بھی بڑا شرک ہے۔ اگر وہ یہ بھی کہیں کہ ان کے اولیاء اللہ کے اذن سے کائنات کے امور میں چلاتے ہیں تب بھی انہیں اس کا کوئی فائدہ نہیں ہو گا؛ کیونکہ ان کی یہ بات بھی عرب مشرکوں کے دعوے جیسے ہی ہے جو تلبیہ کہتے ہوئے کہا کرتے تھے:{ ۔۔۔ لبيك لا شريك لك ، إلا شريكا هو لك ، تملكه وما ملك } ترجمہ: تیرا کوئی شریک نہیں، ماسوائے اس شریک کے جس کو تو خود اپنا شریک بنائے۔ تو یہ ایسے ہی ہے جیسے ان کافروں نے کہا ہو کہ: یہ اللہ کے اذن سے اللہ کے شریک ہیں۔